اسلام آباد۔10ستمبر (اے پی پی) وفاقی وزیر قومی صحت سید مصطفیٰ کمال آکھیاے جو احتیاط علاج توں بہتر اے، اساں لوکاں کوں بیماریاں توں بچاوݨا اے، ہیلتھ سسٹم نال جُڑئے سارے اداریں کوں آپݨیاں پالیسیاں دا ٻیا جائزہ ڳھنݨا ہوسی۔ انہاں بالغ ٻالاں دی غذائیت اتے ماء دی صحت دے حوالے نال پائلٹ پراجیکٹ دی تقریب نال ڳالھ کریندے آکھیا جو پاکستان اچ 68 فیصد بیماریاں دی بنیادی وجہ آلودہ پاݨی اے۔ انہاں آکھیا جو ملک اچ سیوریج دا مؤثر نظام موجود کائنی، اساں کوں سیوریج ٹریٹمنٹ کوں آپݨیاں پالیسیاں دا حصہ بݨاوݨا ہوسی۔ انہاں آکھیا جو پاکستان اچ آبادی اچ ودھارے دی سالانہ شرح 3.6 فیصد اے جیڑھی خطے اچ وݙی شرح اے، ودھدی آبادی نہ صرف وسائل تے ٻوجھ یسی بلکہ صحت دا شعبہ وی شدید دٻائو دا شکار اے۔ انہاں آکھیا جو وزارت صحت لوکاں کوں بیماریاں توں بچاوݨ کیتے خاص توجہ ݙیندی پئی اے، سک کیئر سسٹم کوں حقیقی ہیلتھ کیئر سسٹم اچ بدلݨ کیتے کوشاں ہیسے، صحت مند پاکستان کیتے پائیدار اقدامات لازمی ہن۔ انہاں آکھیا جو ایہوجیھاں پالیسیاں بݨائیاں ونڄن جیڑھیاں صحت مند ماحول کوں ودھارا ݙیوَن تاں جو بیماریاں توں پہلے ای تحفظ ممکن ٻݨ سڳے
.jpg)
