چینگڈو۔12 ستمبر(اے پی پی)صدر مملکت آصف علی زرداری آپݨے چین دے سرکاری دورے تے چینگݙو پڄ گئن۔ چینگݙو شوانگلیو بین الاقوامی ہوائی اڈے تے چین دے نائب وزیر خارجہ سن وی ݙونگ اتے سیچوان صوبہ دے نائب گورنر ہوانگ رویکسو صدر مملکت دا استقبال کیتا۔ چین اچ پاکستان دے سفیر خلیل ہاشمی اتے چین دے پاکستان اچ سفیر جیانگ زیدونگ وی صدر مملکت دے استقبال کیتے موجود ہن۔ ایوان صدر دے پریس ونگ ولوں جاری بیان دے مطابق، دورے اچ صدر مملکت آصف علی زرداری چینی قیادت اتے اعلیٰ حکام نال ملسن جیندے اچ پاکستان-چین تعلقات تکڑے کرݨ، مختلف شعبیاں اچ تعاون ودھاوݨ اتے آل ویدر سٹریٹیجک کوآپریٹو پارٹنرشپ دے تحت مشترکہ مقاصد دی پیشرفت تے گالھ مہاڑ کیتی ویسی۔
