اسلام آباد ۔ 21 مارچ (اے پی پی) محکمہ موسمیات دے مطابق آندے 24 گھنٹے دے دوران ملک دے اتلے علاقین اچ تکھی ہوا تے کھمنڑ نال مینھ وسنڑ دا امکان ہے ۔ محکمہ موسمیات ولوںاتھوںجاری رپورٹ دے مطابق ایں دوران خیبر پختونخوا، فاٹا، گلگت بلتستان، کشمیراچ کہیں کہیں جاہ تے جڈاں جوکوئٹہ، ژوب ‘راولپنڈی، سرگودھا، گوجرانوالہ ڈویژن اتے اسلام آباد اچ کجھ جہیں تے تکھی ہوا تے کھمنڑ نال مینھ وسنڑ دا امکان ہے ۔ جڈاں جو (اج )بدھ کوں گلگت بلتستان اتے کشمیر دے اچے پہاڑاں تے برف باری دا وی امکان ہے۔محکمہ موسمیات یوم پاکستان 23 مارچ کوں اسلام آباد/راولپنڈی اچ مطلع جزوی طور تے ابر آلود رہنڑ دے علاوہ سویل دے ویلھے ہلکی مینھ دی پیشگوئی وی کیتی ہے ۔رپورٹ دے مطابق گزریل 24 گھنٹے دے دوران ملکدے اتلے علاقیں اچ موسم رکھا رہیا ۔تاں جو راولپنڈی،کوئٹہ ڈویژن اتے خیبر پختونخوا اچ کہیں کہیں جاہ تے کھمنڑ دے نال ہلکا مینھ وسیا ۔ساریں توں ودھ مینھ پارہ چنار،کالام اچ 02 ملی میٹر،دیر، بنوں، چراٹ اتے پشاور اچ 1 ملی میٹر ریکارڈ کیتی گی۔ایں طرح منگل کوں ملک دی ٹھڈی ترین جاہ دے ریکارڈ کیتے گے درجہ حرارت دی رپورٹ دے مطابق استور اچ درجہ حرارت صفرڈگری سینٹی گریڈ ریکارڈ کیتا گیا۔
