اسلام آباد۔17اکتوبر(اے پی پی )چیف جسٹس آف پاکستان جسٹس یحییٰ آفریدی آکھیے جو اعلیٰ عدلیہ دے ججز کیتے وی ادارہ جاتی تحفظات ضروری ہن، ہر ہائی کورٹ اچ آزاد “جوڈیشل ریکروٹمنٹ ڈائریکٹوریٹ” دا قیام تھیوݨا چاہیدے۔ سپریم کورٹ آف پاکستان دے شعبہ تعلقات عامہ دے اعلامیہ موجب اے ڳالھ چیف جسٹس نیشنل جوڈیشل (پالیسی میکنگ) کمیٹی (این جے پی ایم سی) دے 55ویں اجلاس دی صدارت کریندے آکھی۔ اجلاس اچ چیف جسٹس فیڈرل شریعت کورٹ، سارے ہائی کورٹس دے چیف جسٹس صاحبان اتے اٹارنی جنرل ب??ائے پاکستان خصوصی دعوت تے شرکت کیتی۔ اجلاس اچ 54ویں میٹنگ دے فیصلیں تے عملدرآمد دا جائزہ گھدا ڳیا اتے انصاف ݙیوݨ دے نظام کوں مؤثر، تکھا اتے شفاف بݨاوݨ کیتے پالیسی سطح تے اہم امور تے غور کیتا ڳیا۔ کمیٹی ادارہ جاتی استعداد کار اچ ودھارا، انصاف تئیں تکھے رسائی اتے عدلیہ دے سارے درجیں وچال ادارہ جاتی ہم آہنگی کوں برقرار رکھݨ دے عزم دا اعادہ کیتا۔ اٹارنی جنرل پاکستان اجلاس کوں ݙسایا جو انسداد دہشت گردی ایکٹ 1997 دی شق 11EEEE اچ اڄوکی ترمیم دے بعد جبری گمشدگیاں دا مسئلہ وݙے حد تئیں حل تھی چُکئے، جیں دے تحت زیر حراست بندے کوں 24 گھنٹے دے اندر مجسٹریٹ دے سامݨے پیش کرݨ لازمی قرار ݙتا ڳئے۔ انہاں یقین ݙیوایا جو ایں قانون تے عملدرآمد کیتے ہک جامع طریقہ کار تیار کیتا ویندا پئے۔ کمیٹی اٹارنی جنرل دے یقین ݙیواوݨ دا خیرمقدم کیتا۔ چیف جسٹس سارے ہائی کورٹس دی طرفوں ضل??ی عدلیہ کوں ٻاہرلے اثرات توں محفوظ رکھݨ کیتے تیار کیتے ڳئے ایس او پیز دی تعریف ??یتی اتے آکھیا جو اعلیٰ عدلیہ دے ججز کیتے وی ایہو جیھے ادارہ جاتی تحفظات ضروری ہن۔ انہاں ججز دے ضابطہ اخلاق اچ ترمیمات دی تجویز پیش کیتی جنہاں کوں سپریم جوڈیشل کونسل دے سامݨے منظوری کیتے پیش کیتا ویسی۔ سارے چیف جسٹس صاحبان انہاں ترمیمات دی متفقہ طور تے تائید کیتی۔ کمیٹی تجارتی، مالیاتی اتے ریونیو مقدمیں اچ تاخیر گھٹ کرݨ کیتے ذیلی کمیٹی دیاں سفارشا?? دا جائزہ گھدا۔ لاہور ہائی کورٹ دی اسپیشل ٹیکس بینچز دی طرفوں صرف ترائے ہفتے اچ 922 مقدمے نبیڑݨ تے خصوصی طور تے تعریف ??یتی ڳئی۔ کمیٹی ایں امر تے اطمینان ظاہر کیتا جو ہائی کورٹس مختلف نوعیت دے مقدمیں دے فیصلے کیتے مخصوص مدت مقرر کر ݙتی اے۔ پشاور ہائی کورٹ دی طرفوں ایبٹ آباد اچ پہلی ڈبل ڈاکٹ کورٹ دے قیام دی وی تعریف ??یتی ڳئی ۔ اجلاس کوں ݙسایا ڳیا جو صوبیں اچ ماڈل سول ٹرائل کورٹس قائم کیتیاں ڳئن جنہاں پراݨے مقدمیں دے وقتی فیصلے یقینی بݨائے ہن۔ لاہور ہائی کورٹ دی ماڈل کورٹس صرف 45 ݙینھ اچ 12,278 مقدمے نبیڑئے جݙاں جو بلوچستان ہائی کورٹ دی ماڈل کورٹس 586 مقدمیں دا فیصلہ کیتا۔ سندھ ہائی کورٹ کوں معذور لوکاں کیتے 18 ضلعیں اچ سہولتاں ݙیوݨ تے تعریف ??یتی ڳئی ۔ کمیٹی ضل??ی عدلیہ اچ کارکردگی بہتر بݨاوݨ کیتے سفارشات تے غور کیتا جنہاں اچ ججز کیتے ہکو جئے بھرتی دے اصول، تربیتی پروگرامز، کارکردگی دے معیارات (KPIs) اتے سانجھا تربیتی ڈھانچہ شامل ہن۔ چیف جسٹس ہر ہائی کورٹ اچ آزاد “جوڈیشل ریکروٹمنٹ ڈائریکٹوریٹ” دے قیام دی تجویز وی ݙتی۔ کمیٹی قومی جیل اصلاحاتی منصوبے تے پیش رف?? دا جائزہ گھدا۔ لاہور، سندھ اتے پشاور ہائی کورٹس منصوبے دی توثیق کر ݙتی اے جݙاں جو اسلام آباد ہائی کورٹ اسلام آباد ماڈل جیل منصوبے دی وقتی تکمیل تے زور ݙتا۔ ایل جے سی پی دے سیکرٹری ݙسایا جو نیشنل جوڈیشل آٹومیشن کمی??ی عدلیہ اچ جنریٹیو اے آئی دے اخلاقی استعمال کیتے رہنما اصولاں دا مسودہ تیار کر ڳھدے۔ کمیٹی ایں اقدام دی تعریف ??ریندے ایں کوں آوݨ آلے اجلاس اچ منظوری کیتے پیش کرݨ دی ہدایت کیتی۔ کمی??ی عدالتی اصلاحات متعلق عوامی آگاہی ونڈاوݨ کیتے ہک جامع ابلاغی حکمت عملی (Communication Strategy) تیار کرݨ دا فیصلہ کیتا، جیں کیتے لاہور، سندھ ہائی کورٹس اتے ایل جے سی پی سیکرٹری تے مشتمل کمیٹی بݨائی ڳئی۔ وزارتِ آئی ٹی دے سیکرٹری عدالتاں دی ڈیجیٹلائزیشن کیتے تفصیلی منصوبہ پیش کیتا۔ کمیٹی ہدایت کیتی جو عدالتاں کیتے موجود کنیکٹیویٹی انفراسٹرکچر دا مکمل جائزہ گھن تے آوݨ آلے مرحلے اچ مصنوعی ذہانت تے مبنی نظام متعارف کرائے ونڄن۔ اجلاس دے اختتام تے چیف جسٹس آف پاکستان سارے ہائی کورٹس، وزارتِ قانون و انصاف، اتے لاء اینڈ جسٹس کمیشن سیکرٹریٹ دیاں کوششاں دی تعریف ??ریندے آکھیا جو انہاں اقدامات نال عدالتی نظام اچ بہتری، ادارہ جاتی ہم آہنگی اتے عوامی اعتماد اچ ودھارا تھیسی۔
