لاہور۔20جولائی(اے پی پی)گورنر پنجاب محمد بلیغ الرحمان نال گورنر ہائوس لاہور اچ ملتان دی مختلف جامعات دے وائس چانسلرز ملین۔ ملݨ آلیاں اچ ایمرسن یونیورسٹی دے وائس چانسلر ڈاکٹر شوکت ملک، ملتان ویمن یونیورسٹی دی وائس چانسلر ڈاکٹر عظمیٰ قریشی، محمد نواز شریف ایگریکلچر یونیورسٹی دے وائس چانسلر پروفیسر ڈاکٹر آصف علی شامل ہن۔ وائس چانسلرز اپݨیاں یونیورسٹیاں دی کارکردگی اتے مسئلے ݙسائن۔ گورنر پنجاب محمد بلیغ الرحمان آکھیا جو نینگراں کوں چنڳی اتے جدید تعلیم و تربیت، اخلاقیات سکھاوݨ کیتے ودھ توجہ ݙتی ونڄے، نینگرآں دی کردار سازی ملکی ترقی اتے صحت مند معاشرے دے کنجی ہوندی اے، جامعات اچ ماحولیات تے تحقیق بارے تجوزیاں منگین، ایں سانڳے ہک کنسورشیم وی ٻݨایا ویسی، جدید تحقیقی نال نینگرآں کؤں روزگار دے مواقع اتے اندسٹریز کوں وی فیدہ ملسی، یونیوستیاں دے مسئلے ترجیحی بنیاد تے حل کیتے ویسن۔
