اسلام آباد۔5اگست (اے پی پی) وفاقی وزیر صنعت تے پیداوار و نیشنل فوڈ سکیورٹی رانا تنویر حسین کشمیریاں نال اظہارِ یکجہتی کریندیں ہوئیں آکھیا جو 5 اگست 2019 ء کوں بھارت دے غیر قانونی اتے ہک پاسہ اقدامات دے پنڄ سال پورے تھیوݨ دے موقع تے اساں کشمیریاں دے حق خودارادیت دی منصفانہ جدوجہد اچ انہاں دی قربانیاں کوں خراج تحسین پیش کریندوں۔ سنوار کوں وزارت توں جاری بیان اچ انہاں آکھیا جو بھارت دے پنج اگست دے اقدامات اقوام متحدہ دی سلامتی کونسل دی کئی قرارداداں دی خلاف ورزی ہن۔ بھارت غیر قانونی جموں و کشمیر اچ سفاکانہ کارروائیاں نال اقوام متحدہ دی قرارداداں اتے بین الاقوامی قوانین دی خلاف ورزی کریندا پئے۔ وفاقی وزیر رانا تنویر حسین آکھیا جو اساں مقبوضہ کشمیر دے سارے شہداء کوں انہاں دی لازوال قربانیاں اتے انہاں دے ٹبراں کوں انہاں دے عزم تے حوصلے کیتے خراج عقیدت پیش کریندیں ہوئیں پاکستان آپݨے ٻھیݨ بھراواں دی آواز ٻݨدا رہسی اتے انہاں دے جائز حقوق کیتے تعاون کریندا رہسی۔
