اسلام آباد – 12 فيبروري (اي پي پي) وزيراعظم عمران خان جي صدارت ۾ اوقاف ۽ اويڪيو ٽرسٽ بورڊ کي عوامي مفادن جي منصوبن جي لاءِ استعمال ۾ آڻڻ جي حوالي سان اجلاس ٿيو. اجلاس ۾ مذهبي معاملن واري وفاقي وزير نورالحق قادري، اوقاف پنجاب جي صوبائي وزير سيد سعيدالحسن، مذهبي معاملن واري سيڪريٽري ميان مشتاق احمد ۽ ٻين آفيسرن شرڪت ڪئي. اجلاس ۾ مذهبي معاملن واري سيڪريٽري پاران بريفنگ دوران وزيراعظم کي ننڪانه صاحب ۾ 700 مربعه زمين جنهن ۾ زرعي زمين به شامل آهي، آزاد ڪرائڻ تي اڳڀرائي کان آگاهه ڪيو.
