اسلام آباد۔21مارچ(اے پی پی)سینٹ انتخابات اچ امیدواراں دے کاغذات نامزدگی تے ریٹرننگ افسران دے فیصلاں دے خلاف اپیلاں 25 مارچ تئیں نمٹایاں ویسن۔ الیکشن کمیشن موجب امیدواراں دے کاغذات نامزدگی منظور یا مسترد تھیوݨ دے خلاف اپیلاں خمیس تئیں دائر تھین جیندے تے اپیلٹ ٹربیونلز اچ 25 مارچ تئیں فیصلے تھیسن۔ 26 مارچ کوں امیدواروں دی نظر ثانی شدہ فہرست لائی ویسی۔ امیدوار 27 مارچ کوں کاغذات ولا چا سڳسن ڄݙاں جو پولنگ 2 اپریل کوں تھیسی۔
