چین پاکستان دی معاشی ترقی اچ اہم سانجھے دار اے، سی پیک دے اگلے مرحلے بارے بھرپور تیاری کریندے پئیوں، وزیراعظم شہبازشریف

2025-03-05 17:53:14

اسلام آباد۔28مئی (اے پی پی) وزیراعظم محمد شہباز شریف آکھیا جو چین پاکستان دی معاشی ترقی اچ اہم سانجھے دار اے، پاکستان چین نال ترجیحی بنیاداں تے زراعت ،انفارمیشن ٹیکنالوجی ، توانائی دے شعبیاں اچ تعاون ودھاوݨ اتے چین اچ پاکستانی مصنوعات دی برآمدات ودھاوݨ چاہندے۔ سی پیک دے اگلے مرحلے بارے بھرپور تیاری کریندے پئیوں۔ چینی تعاون نال گوادربندرگاہ کوں لاجسٹکس دا حب ٻݨایا ویسی۔ منگل کوں وزیراعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت پاکستان اتے چین وچال مختلف شعبیاں اچ تعاون ودھاوݨ بارے اہم جائزہ اجلاس تھیا۔ اجلاس اچ وفاقی وزیر منصوبہ بندی احسن اقبال ،وفاقی وزیر تجارت جام کمال خان ، وفاقی وزیر اقتصادی امور احد خان چیمہ ، وفاقی وزیر خزانہ تے محصولات محمد اورنگزیب ، وفاقی وزیر اطلاعات و نشریات عطاء اللہ تارڑ ، وزیر پیٹرولیم مصدق ملک ، وفاقی وزیر صنعت و پیداوار رانا تنویر حسین ، وفاقی وزیر پاور اویس احمد خان لغاری ، وفاقی وزیر بحری امور قیصر احمد شیخ ( بذریعہ وڈیو لنک ) ، وزیر مملکت برائے انفارمیشن ٹیکنالوجی تے ٹیلی کام شزا فاطمہ ،وزیراعظم دے معاون خصوصی طارق فاطمی، ڈپٹی چیئرمین پلاننگ کمیشن جہانزیب خان اتے متعلقہ اعلیٰ سرکاری افسر شریک تھیے۔

مضمون کا ماخذ : پاور بال کے نتائج

متعلقہ مضامین