اسٽاڪ هوم-16 فيبروري (اي پي پي)سويڊن جي پرڏيهي وزير ٽوبيس بلسٽروم چيو آهي ته دهشتگردي جي موضوع تي اسان ترڪيه جي شرطن کي پورو ڪنداسين.ميڊيا رپورٽن موجب گذريل سال جولاءِ ۾ ويلنئيس ۾ ٿيل نيٽو اجلاس ۾ سويڊن ترڪيه سان سيڪيورٽي معاهدن تي رضامندي ظاهر ڪئي هئي. هن ٻڌايو ته جون 2022 ۾ ميڊرڊ اجلاس ۾ ترڪيه،سويڊن ۽ فن لينڊ وچ ۾ جوڙيل گڏيل فورم ۾ ڪيل واعدن کي پورو ڪيو ويندو اسان دهشتگردي جي روڪ ٿام وارن قدمن ۾ ترڪيه سان سهڪار ڪنداسين، هن وڌيڪ چيو ته ترڪيه کي آمريڪا پاران ملندڙ ايف-16 جهازن سان نيٽو وڌيڪ مضبوط ٿيندو.
