اسلام آباد۔4مئی (اے پی پی) چیئرمین سینیٹ صادق سنجرانی دی شما لی وزیرستان اچ سکیورٹی فورسز تے دہشت گرداں دی فائرنگ دی مذمت کریندیں ہوئیں فائرنگ پاروں قیمتی جاناں دے ضیان تے ݙکھ تے افسوس کیتا۔ سینیٹ سیکرٹریٹ موجب چیئرمین سینیٹ آکھیا جو ایجھی بزدلانہ کاروائیاں اساݙے عزم کوں ڳھٹ نی کر سڳدی۔ انہاں آکھیا جو فوج اتے سکیورٹی اداریاں دی دہشت گردی دے خلاف قربانیاں بے مثال ہن۔ پاک فوج دہشت گردی دے ناسور کوں ختم کرݨ کیتے پرعزم اے۔ بہادر جواناں دی قربانیاں دہشت گردی دے خلاف جنگ دے عزم کوں ٻیا مضبوط کریندن۔
