ڈیرہ اسماعیل خان۔ 22 جون (اے پی پی):گورنر خیبرپختونخوا فیصل کریم کنڈی وفاقی وزیر منصوبہ بندی احسن اقبال نال ملاقات کیتی ، خیبر پختونخوا اسمبلی دے ایم پی اے احمد کریم کنڈی وی انہاں دے رلے ہن ۔ ملاقات اچ چشمہ لفٹ کینال منصوبہ دا ذکر کریندے ہوئیں گورنر خیبرپختونخوا آکھیے ایں منصوبے سانڳے وفاقی حکومت ساڈھے ستاراں ارب تے صوبائی حکومت ݙاہ ارب روپے رکھئن ، اے خیبرپختونخوا دی ترقی دا اہم منصوبہ اے جیں توں صوبے دی کݨک دا مسئلہ نہ صرف حل تھیسی بلکہ پاکستان دی غذائی ضرورتاں وی ایں منصوبے توں پوریاں تھیسن ۔ انہاں آکھیے ایویں چکدرہ چترال روڈ وی صوبہ دے وسیع علاقے دے عوام دی تقدیر بدلݨ اچ آپݨا کردار ادا کریسی تے انہاں منصوبیں تے اساں وفاقی حکومت دے مشکور ہیسے ۔گورنر خیبرپختونخوا آکھیے ڈیرہ اسماعیل خان سی پیک نال ہی انڈسٹریل زون ݙتا ونڄے اے خطے دی ترقی اچ کردار ادا کریسی ایویں سمال ڈیمز دے منصوبے سی پیک اچ رلائے ونڄن ،گومل ذام ڈیم توں ݙو لکھ ایکڑ رقبہ سیراب تھیندا پئے جیڑھا ایریا رہ ڳئے ٹانک ذام۔ درابن ذام وغیرہ اگر بݨ ونڄن تاں مزید خوشحالی آسی ۔ وفاقی وزیر منصوبہ بندی احسن اقبال گورنر خیبرپختونخوا کوں یقین ݙیوائے جو انہاں منصوبیں دے حوالے نال بھرپور تعاون کیتا ویسی انہاں آکھیے گوادر کوئٹہ سڑک جݙاں بݨݨ شروع تھئی تاں اے ساری جاہ ویران ہئی سڑک بݨدی ڳئی لوکاں زمین تے ترقیاتی کم شروع کرݙتن ،آبادی دا عمل شروع تھئے پݨ او پوری بیلٹ آباد اے۔ انہاں ضم شدہ ضلعیں دے حوالے نال گورنر خیبرپختونخوا کوں یقین ݙیوائے جو ضم شدہ ضلعیں اچ ترقیاتی فنڈز دے حوالےنال انہاں دی تشویش کوں ختم کیتا ویسی ۔ ملاقات اچ خیبر پختونخوا دی سیاسی اتے امن و امان دی صورتحال تے وی ڳالھ مہاڑ کیتی ڳئی۔
.jpg)
.jpg)