کراچی۔14اگست (اے پی پی):پاکستان دے 75ویں یوم آزادی دے موقع تے بابائے قوم قائد اعظم محمد علی جناح دے مزار تے گارڈز دی تبدیلی دی پروقار تقریب منعقد تھئی، یونیفارم اچ ملبوس پاکستان نیول اکیڈمی دے کیڈٹس اتے پاک بحریہ دے سیلرز دے چاق و چوبند دستے مزار قائد تے گارڈز دے فرائض سنبھالیے۔جاری اعلامیہ موجب کمانڈنٹ پاکستان نیول اکیڈمی، کموڈور محمد خالد ایں موقع تے بطور مہمان خصوصی شرکت کیتی ، گارڈ دا معائنہ کیتا تے پاک بحریہ دے دستے دے رلے بابائے قوم قائداعظم محمد علی جناح کوں قومی سلام پیش کیتا۔ پاک بحریہ ولوں گارڈز دی تعیناتی دے بعد مہمان خصوصی چیف آف دی نیول اسٹاف، پاک بحریہ دے افسران اتے نینگراں ولوں مزار قائد تے پھلاں دی چادر چڑھائی بعد اچ مہمان خصوصی فاتحہ خوانی کیتی تے مہماناں دی کتاب اچ آپݨے تاثرات درج کریندے ہوئیں بابائے قوم کوں شاندار خراج عقیدت پیش کیتا ۔ݙینھ دا آغاز صوبائی دارالحکومت اچ 21 توپاں دی سلامی توں تھیا جیں دے بعد پاک بحریہ دی یونٹس اچ قائم میتاں اچ ملکی یکجہتی، ترقی کیتے خصوصی دعاوں دا اہتمام کیتا ڳعے ۔ پاک بحریہ دے جہازاں تے تنصیبات اچ روایتی انداز اچ چراغاں کیتا ڳئے اسلام آباد، لاہور، کراچی، گوادر، اورماڑہ اتے سجاول اچ پاک بحریہ دی یونٹس اچ پرچم کشائی دی تقریبات وی تھئن ۔
