اسلام آباد۔29جولائی (اے پی پی) صدر مملکت آصف علی زرداری بے نظیر انکم سپورٹ پروگرام دے دائرہ کار کوں ٻیا ودھ??وݨ دی لوڑھ تے زور ݙیندیں ہوئیں آکھیا جو پسماندہ طبقیاں دی فلاح تے بہبود کیتے بے نظیر انکم سپورٹ پروگرام توں فیدہ چ??وݨ آلیاں دی تعداد ودھائی ونڄے۔ ایوان صدر دے پریس ونگ توں جاری بیان موجب صدر مملکت ات ڳالھیں چیئرپرسن بے نظیر انکم سپورٹ پروگرام روبینہ خالد ولوں سنوار کوں ایوان صدر اچ ݙتی ڳئی بریفنگ اچ آکھی۔ انہاں بے نظیر انکم اسپورٹ پروگرام دا گوادر اچ دفتر ٻݨ??وݨ دی ہدایت کریندیں ہوئیں آکھیا جو پسماندہ طبقیاں دی فلاح کیتے پروگرام توں فیدہ چ??وݨ آلیاں دی تعداد ودھائی ونڄے۔ صدرمملکت بینکاں ولوں بے نظیر کارڈ ہولڈرز توں 0.45 فیصد سروس چارجز کٹوتی دا نوٹس ڳھدا اتے آکھیا جو سروس چارجز ختم کرݨ کیتے سٹیٹ بینک نال رابطہ کیتا ونڄے۔ انہاں آکھیا جو بینکوں توں انکم سپورٹ پروگرام دے مستحقین دے اکائونٹ کھولݨ دا آکھیا وںجے۔ صدرمملکت ودھ توں ودھ مستحق طلباء کوں وظیفے ݙیوݨ کیتے ڈونرز اتے پرائیویٹ سی??ٹر دے رَلݨ تے زور ݙتا۔ ایں موقع تے صدرمملکت کوں بے نظیر کفالت ، تعلیمی وظائف ، سکالرشپس برائے انڈر گریجویٹ اتے نشو نما پروگرام بارے بریفنگ ݙتی ڳئی جئیں اچ انہاں کوں ݙسیا ڳئیا جو ایں مالی سال اچ انکم سپورٹ پروگرام کیتے 598.718 ارب روپے رکھیے ڳئن۔ بریفنگ اچ ݙسیا ڳئیا جو بے نظیر کفالت پروگرام کیتے مالی سال 2024-25 اچ93 لکھ اہل ٹٻراں کیتے 461 ارب روپے جڈانجو سکولاں اچ داخلے ودھاوݨ، ڳھٹ آمدݨ آ??ے گھراں دے ٻالاں کوں تعلیم ݙیوݨ کیتے 77.18 ارب روپے رکھیے ڳئن۔ بریفنگ اچ آکھیا ڳئیا جو بے نظیر تعلیمی وظائ?? پروگرام نال 97 لکھ ٻال فیدہ چیسن، ایندے نال نال سکالرشپس برائے انڈر گریجویٹ پروگرام دے تحت 10 ہزار طلباء کوں وظیفے ݙیوݨ کیتے 1.7 ارب روپے رکھیے ڳئن۔ بریفنگ اچ ݙسیا ڳئیا جو 2022 اچ چھل اچ بے نظیر انکم سپورٹ پروگرام پورے پاکستان اچ چھل توں متاثرہ ستاوی لکھ ٹبراں اچ ستر ارب روپے تقسیم کیتے۔ صدرملکت معاشرے دے مستحق اتے پسماندہ طبقے کوں مالی ریلیف ݙیوݨ تے بے نظیر انکم سپورٹ پروگرام دی تعریف کیتی۔
.jpg)
