لاہور۔14جون (اے پی پی):وزیراعلی پنجاب مریم نواز شریف آکھیے خون دا عطیہ ݙیوݨ مستحسن عمل اے، عطیہ کیتے ڳئے خون دا ہر قطرہ مریض سانڳے امید دی کرن اے ۔ خون عطیہ کرݨ دے جڳ ݙیھاڑ تے آپݨے ھک پیغام اچ انہاں آکھیے جو ورلڈ بلڈ ڈونر ڈے انھاں لوکاں دا شکریہ ادا کرݨ دا ݙینھ اے جیڑھے ݙوجھیں دی زندگی بچاوݨ سانڳے خون دا قیمتی عطیہ پیش کریندن ۔ ورلڈ بلڈ ڈونر ڈے تے میں انھاں سارے لوکاں کوں خراج تحسین پیش کریندی ہاں جنہاں خون دا عطیہ ݙے تے جاناں بچائن۔ مریم نواز شریف آکھیے جو خون دا عطیہ ݙیوݨ مستحسن عمل اے،عطیہ کیتے ڳئے خون دا ہر قطرہ مریض سانڳے امید دی کرن اے جیڑھا آپݨی زندگی سانڳے لڑدا پئے ۔ خون دا عطیہ ݙے تے تساں کہیں شدید ضرورت مند کوں زندگی دا تحفہ ݙیندو ۔ انہاں آکھیے رضاکارانہ خون عطیہ کرݨ آلیں کوں سلام پیش کریندوں ۔ پنجاب دے نوجوان خون دے عطیہ دی مہم اچ مثال بݨاون۔
