اسلام آباد۔11ستمبر(اے پی پی) ڈی جی ہمدرد یونیورسٹی امتیاز حیدر آکھیا اے یونیورسٹی 1992 اچ بݨائی ڳئی ہئی ۔ایندے ݙو کیمپس ہن کراچی تے ݙوجھا اسلام آباد اچ ہے جیڑھا 1998 اچ بنڑایا گیا ہئی ایندے اچ 9 فیکلٹیاں ہن تے 8 ہزار طلبا تے طالبات پڑھدے پئن ، اسلام آباد کیمپس دے ݙوسو فیکلٹی ممبرز ہن ،تے ایں یونیورسٹی دا معیاربرقرار رکھݨ سانڳے میرٹ تے شفافیت کوں یقینی بݨایا ویندے جیندے کیتے وائس چانسلر سعدیہ راشد ڈینھ رات محنت کریندن ۔ یونیورسٹی اچ میڈیکل تے انجینئرنگ دی تعلیم ݙتی ویندی اے،یونیورسٹی دی وڈی لائبریری اچ ایندے بانی حکیم سعید دی آرکائیو بݨائی ڳئی اے، چار توں پنج منزلہ عمارت اچ باقاعدہ منظم سسٹم نظرآندے۔ نکے ٻالاں سانڳے ڈے کیئر سینٹر بݨایا ڳئے۔ یونیورسٹی دے 30 ہزار ایلومنائے ہن۔طلبا تے طالبات کیتے ملک توں شکالر شپ سودھے پڑھݨ دے مواقع ہن۔ لاہور دے صحافیاں مطالبہ کیتا جو ایندا ھک کیمپس لاہور اچ وی بݨایا ونڄے جیندے تے ڈی جی دا آکھݨ ہا ساݙے کوآرڈینیٹر علی بخاری لاہور اچ بہترین طریقے نال آپدیاں خدمات ڈیندے پئین تے اساں مستقبل اچ کوشش کریسوں میڈیا دی ڈگری سانگے کم کروں ۔یونیورسٹی اچ کم کوں موثر انداز اچ ودھاوِݨ سانڳے کئی کمییٹیاں بݨیاں ہوئن تے ہک سوال دے جواب اچ انھاں دا آکھݨ ہا جو مستحق طلباء کوں 25 % رعایت وی ݙتی ونج سڳیندی اے۔(ڈاکٹرسعدیہ کمال)
