ميڊرڊ-13 سيپٽمبر(اي پي پي) سعودي عرب جو پرڏيهي وزير شهزاده فيصل بن فرحان فلسطين جي صورتحال تي رٿيل وزارتي اجلاس ۾ شرڪت لاءِ اسپين جي گادي واري شهر ميڊرڊ پهچي ويو آهي. ميڊيا رپورٽن موجب اجلاس جو مقصد غزه صورتحال ۽ ٻه رياستي حل تي عملدر آمد لاءِ کنيل قدمن جو جائزو وٺڻ ۽ گڏيل قومن جي جنرل اسيمبلي جي 79 هين اجلاس جي موقعي تي ان حوالي سان اعلي سطحي تقريب جي تياري آهي. اجلاس ۾ غزه صورتحال جي حوالي سان گڏيل عرب اسلامي سربراهي اجلاس پاران تجويز ڪيل وزارتي ڪميٽي جي ميمبرن سان گڏوگڏ ناروي ،سلو وينيا، آئرلينڊ ۽ يورپي يونين جا نمائندا شرڪت ڪندا.
