اسلام آباد۔1مئی (اے پی پی) نائب وزیر اعظم اتے وزیر خارجہ اسحاق ڈار او آئی سی دے 15 ویں سربراہی اجلاس اچ شرکت کیتے گیمبیا پڄ ڳئے۔ دفتر خارجہ توں جاری بان موجب گیمبیا دے وزیر پٹرولیم تے توانائی نانی جوارا،سیکرٹری خارجہ ایمبیسیڈر سائرس سجاد قاضی اتے سینیگال اچ پاکستان دی سفیر سمیعہ میمونہ سید انہاں دا استقبال کیتا۔ اسحاق ڈار وزرائے خارجہ کونسل دے اجلاس اچ شرکت اتے سربراہی اجلاس دے موقعے تے ݙوجھے ملکاں دے رہنماواں نال ملاقاتاں وی کریسن۔
