اسلام آباد۔14جولائی (اے پی پی):سینیٹ کوں ݙسایا ڳئے جو اسلام آباد پولیس دی نفری اچ ودھارے کیتے 2616 اہلکار بھرتی کیتے ویسن ۔ ٻدھ کوں سینیٹ دے اجلاس اچ سینیٹر فوزیہ ارشد اتے ٻئے ارکان دے سوال دے ولدے اچ وزیر مملکت پارلیمانی امور علی محمد خان آکھیے جو ایگل سکواڈ دی تشکیل دے بعد اسلام آباد دے زیادہ تر حساس جاہواں اچ شام ویلھے وی پولیس گشت کریندی اے ، اسلام آباد دی آبادی ودھ تے 20 توں 25 لکھ تھی چکی اے ، پولیس کوں گاݙیاں تے آلات دی وی ضرورت اے ایندے علاوہ نفری وی گھٹ اے ، ایں کیتے درخواست کیتی ڳئی اے جو 2616 اہلکار مزید بھرتی کیتے ونڄن تاں جو امن و امان کوں برقرار رکھݨ اتے جرئم روکݨ اچ پولیس اپݨا بھرپور کردار ادا کرسڳے ۔
