اسلام آباد۔24جنوری(اے پی پی)وزیراعظم محمد شہباز شریف آکھیے جو پاکستان بچاوݨ کیتے سیاست قربان کرݨی ہوسی، اعلان کرینداں جو مسلم لیگ ن اتے مخلوط حکومت اپݨی ساری سیاسی کمائی پاکستان اتے ریاست تے قربان کرݙیسی ٻھل ملک کوںا وکھ توں کݙھیسوں، نینگر قوم دا مستقبل ہین، نینگراں نال رل تے پاکستان کوں عظیم ٻݨیوں، وزیراعظم یوتھ بزنس اینڈ ایگری لونز نینگراں کوں بااختیار ٻݨیسن۔ اے ڳالھ انہاں اسلام آباد اچ پرائم منسٹریوتھ بزنس اینڈ ایگری لونز سکیم دے اجراء دی تقریب نال خطابا چ آکھی۔ تقریب اچ وفاقی وزیراطلاعات ونشریات مریم اورنگزیب، معاون خصوصی شزہ فاطمہ خواجہ، گورنرسٹیٹ بینک جمیل احمد، بینکاں اتے مائیکرو فنانس اداراں دے سربراہان اتے مختلف ملکاں دے سفیر وی ایں موقع تے موجود ہن۔ وزیراعظم آکھیا جو اپݨے دور اچ وزیراعلیٰ لیپ ٹاپ سکیم ݙتی ہئی اتے بلاسود قرض وی ݙتا ہا جیندا نینگراں کوں ودھ فیدہ تھئے، ڳاݙیاں ݙتن، خود روزگار سکیم شروع کیتی جیکر نینگراں کوں وسائل اتے بہتر ماحول ݙویڄے تاں او پاکستان کوں ڄق اچ اڳو تے ڳھن ونڄ سڳدن، اڄ ولا سٹیٹ بینک اتے وزارت خزانہ دی اڳواݨی اچ سٹیٹ بینک، کمرشل اتے مائیکروفنانس کمپنیاں دے ڳانݙھے نال اے سکیم شروع کیتی اے اتے وسائل ݙتن جیندے نال نینگراں کوں 5 لکھ توں 75 لکھ روپے تئیں قرض ملسی، 5 لکھ تئیں قرض بلاسود ہوسی، 5 توں 15 لکھ تئیں قرض تے سود 5 فیصد ہوسی ڄݙان جو 15 توں 75 لکھ روپے تئیں قرض تے شرح سود 7 فیصد ہوسی اتے واپسی 8 سال اچ کرݨی ہوسی، ایندے علاوہ ہک لکھ لیپ ٹاپ دا وی پروگرام اے۔ وزیراعظم آکھیے جو آئی ایم ایف کوں واضح سنیہا ݙتے جو اساں نویں جائزہ کیتے تیار ہیں اتےا ساں نویاں شرطاں تے مذاکرات کوں حتمی شکل ݙیوݨ چاہندے ہیں تاں جو پاکستان اڳو تے ودھے اتے پاکستان کوں دوست ملکاں اتے عالمی تنظیماں ولوں مالی معاونت تیکھے پڄے۔ انہاں آکھیا جو ملک کیتے آخری حد تئیں ونڄݨ ساݙے تے فرض اے، ملک کوںا وکھ توں کݙھݨ کیتے جان ݙے ݙیساں ٻھل حکومت اتے اشرافیہ کوں پہلے اپݨی قربانی ݙیوݨی ہوسی جیندے بعد عوام اپݨا حصہ پیسن۔
.jpg)
">
.jpg)