اسلام آباد۔16نومبر(اے پی پی) نگراں وزیرِاعظم انوار الحق کاکڑ خصوصی سرمایہ کاری سہولت کونسل دے تحت قلیل، وسط اتے طویل مدتی اقدامات ودھاوݨ دی ہدایت کریندے آکھیے جو ایس آئی ایف سی دے تحت اقدامات تے پورا ہتھ ونݙایا ونڄے تاں جو پاکستان ایندے توں فیدہ چا سڳے اتے ملک اچ طویل مدتی اقدامات دی راہ کھلے۔ اے ڳالھ انہاں اسلام آباد اچ خصوصی سرمایہ کاری سہولت کونسل (ایس آئی ایف سی ) دی ایپکس کمیٹی دے ستویں اجلاس نال خطاب کریندے آکھی۔ اجلاس اچ آرمی چیف جنرل سید عاصم منیر، نگراں کابینہ دے ارکان، نگراں صوبائی وزراءِ اعلیٰ اتے متعلقہ اعلیٰ حکومتی اہلکاراں شرکت کیتی اتے ایس آئی ایف سی دے تحت سرمایہ کاری دے ودھارے کیتے اقدامات دا جائزہ ڳھدا۔ اجلاس اچ مختلف وزارتاں سرمایہ کاری دے ودھارے اتے اہداف دے ویلھے سر حصول سانڳے اقدامات تے بریفنگ ݙتی ڳئی۔ کمیٹی ایس آئی ایف سی دے تحت ملک اچ بیرونی سرمایہ کاری کیتے دوست ملکاں توں روابط اچ تیزی، سرکاری و نجی اداریاں نال تعاون دے اقدامات دی تعریف کیتی۔ کمیٹی سرمایہ کاری دے ودھارے سودھا سرمایہ کاراں اچ اعتماد سازی دے پالیسی اقدمات کوں ݙٹھا جو کیویں غیر ملکی سرمایہ کاراں دے منافع دی منتقلی، کاروباری تنازعات دے حل، مواصلاتی بنیادی ڈھانچے اتے افرادی قوت دی بین الاقوامی معیار دے مطابق ترقی، ایگزم بینک کوں فعال کیتا ونڄے۔ کمیٹی ملک اچ تیل و گیس دے شعبے اچ سرمایہ کاری، ترقی اچ مختلف رکاوٹاں مکاوݨ دے اقدامات سانڳے حکمت عملی دا وی جائزہ ڳھدا۔ آرمی چیف جنرل سید عاصم منیر اجلاس اچ پاکستان دی پائیدار معاشی بحالی کیتے پاک فوج دے تعاون دا یقین ݙیوایا۔
.jpg)
">
.jpg)