اسلام آباد۔18اپریل(اے پی پی) وزیراعظم بدرشہباز وڑائچ کوں آپݨا میڈیا کوآرڈینیٹر مقرر کرݙتے ۔ کابینہ ڈویژن بدر شہباز دی وزیراعظم دے میڈیا کوآرڈینیٹر دے طور تے تقرری دا نوٹیفیکیشن جاری کرݙتے ۔ نوٹیفیکیشن اچ آکھیا ڳئے جو سارے متعلقہ سٹیک ہولڈرز میڈیا کوآرڈینیٹر نال سرکاری امور کوں چلاوݨ اچ مکمل تعاون کرن۔ واضح رہے جو بدر شہباز مسلم لیگ (ن) دے مرکزی اسسٹنٹ سیکریٹری اطلاعات وی ہن تے او گزریل حکومت اچ وزیراعظم دے میڈیا کوآرڈینیٹر دے طور تے وی خدمات انجام ݙے چکن۔
