رياض _ 30 مئي (اي پي پي ) سعودي عرب اسرائيلي فورسز طرفان رفع ۾ مظلوم فلسطيني پناهه گيرن جي ڪيمپن کي نشانو بڻائي ڪري فلسطيني عوام جو قتل عام جاري رکڻ جي مذمت ڪئي آهي . اردو نيوز مطابق سعودي پرڏيهي کاتي بيان ۾ چيو آهي ته سعودي عرب سمجهي ٿو ته رفع ۽ سمورن والاريل فلسطيني علائقن ۾ جيڪو ڪجهه ٿي رهيو آهي ان لاءِ اسرائيلي اختياريون مڪمل طورتي ذميوار آهن . بيان ۾ عالمي برادري تي زور ڏنو ويو ته هو فلسطيني عوام خلاف قتل عام کي روڪرائڻ ۽ ذميوارن کي احتساب جي ڪٽهيڙي ۾ آڻڻ لاءِ پنهنجي ذميواري نڀائن .
