اسلام آباد-15 نومبر (اي پي پي) قانون ۽ انصاف واري وفاقي وزير، اعظم نذير تارڙ ڪالهه چٽاڀيٽي ڪميشن جو دورو ڪيو، ان موقعي تي وفاقي وزير کي ڪميشن جي مينڊيٽ ۽ ڪارڪردگي تي بريفنگ ڏني وئي. چٽاڀيٽي ڪميشن جي چيئرمين ڊاڪٽر ڪبير سڌو وفاقي وزير کي عدالتن ۾ ٻڌڻي هيٺ ڪيسن تي بريفنگ ڏني. وفاقي وزير عدالتن ۾ التوا ۾ پيل ڪيسن جي جلد ٻڌڻي جي مدد لاءِ خاطري ڪرائي. هن چٽاڀيٽي ٽربيونل ۾ ججن جي جلد مقرري جي به خاطري ڪرائي. بريفنگ ۾ ٻڌايو ويو ته چٽاڀيٽي ڪميشن جي عدالتن ۽ چٽاڀيٽي ٽربيونلز ۾ 550 ڪيس التوا هيٺ آهن. ڪميشن جي 74 ارب روپين جي ڏنڊ تي عدالتن ۾ اسٽي ڏنا ويا آهن جڏهن ته عدالتن ۾ جلد ٻڌڻي ل??ءِ ڪيتريون ئي درخواستون به ڏنيون ويون آهن. گذريل هڪ سال ۾ عدالتن 69 ڪيسن جا في??لا ٻڌايا ۽ عدالتن جي فيصلن جي نتيجي ۾ 100ملين روپيا ڏنڊ حڪومتي خزاني ۾ جمع ٿيو. وفاقي وزير ڪميشن کي ڀرپور انفورسمنٽ لاءِ حڪومت جي مڪمل حمايت جي خاطري ڪرائي.
