قصور ?? 11 جنوری (اے پی پی) وزیراعلیٰ پنجاب محمد شہباز شریف دی قصور اچ اٹھ سالیں دی نشوم زینب دے گھر پجے تے انہاں لواحقین ن??ل تعزیت دا اظہار کیتا ۔تفصیل دے مطابق خمیس دی سویل وزیراعلیٰ پنجاب محمد شہباز شریف مقتولہ نشوم زینب دے گھر پجے۔ ایں موقع تے وزیراعلیٰ پنجاب لواحقین نال اظہار تعزیت کریندے ہوئیں آکھیا جو نشوم زینب دے قاتل دی گرفتاری اچ کہیں قسم دی لاپرواہی کائناں کیتی ویسی ۔انہاں آکھیا جو ملزماں کوں وختی گرفتار کیتا ویسی تے قانون دی کچاری اچ گھن آیا ویسی ۔وزیر اعلیٰ پنجاب آکھیا جو بالڑی دے قل تے پولیس حکام تے کاوڑ دا اظہار کریندے ہوئیں آکھیا جو زبانی جمع خرچ کائناں چلسی ،انہاںملزماں دی وختی گرفتاری چاہیدی ہے ۔شہباز شریف آکھیا جو اے واقعہ بہوں افسوسناک ہے ،غفلت کرنڑ آل?? پولیس اہلکاراں تے افسراں دے خلاف کاروائی عمل اچ لاتی ویسی ۔انہاں آکھیا جو ایں ڈراونڑیں واقعے کہیں صورت برداشت کائناں کیتے ویسن ۔ایں موقع تے انہاں مقتولہ زینب دے ماءپیو کوں یقین ڈویندے ہوئیں آکھیا جو ملزماں کوں وختی گرفتار کرتے انصاف دی کچاری اچ گھن آیا ویسی تے بہوں وختی انہاں کوں انصاف ڈتا ویسی ۔
