اسلام آباد۔3اپریل(اے پی پی)وزیراعظم عمران خان آکھیے جو عدم اعتماد دی تحریک سپیکر اپݨے اختیارات دے تحت مسترد کرݙتی اے جیندے بعد صدر مملکت کوں قومی اسمبلی تحلیل کرݨ دی ایڈوائس ݙتی اے، اے فیصلہ قوم کرݨے جو او کیکوں چݨدن، قوم نویں انتخابات دی تیاری کرے، اساں غیر ملکی ایجنڈے تے کروڑاں روپے نال ضمیر ملھ ڳھن تے حکومت بدلݨ دی سازش اتے غداری ناکام ٻݨائی اے، قوم گھبراوݨا نئیں۔ قوم نال خطاب اچ وزیراعظم آکھیے جو عدم اعتماد دی تحریک غیر ملکی ایجنڈا ہا ایں تحریک دے ایوان اچ مسترد تھیوݨ تے پوری قوم کوں مبارکباد ݙینداں، ساری قوم پریشان ہئی بھل قوم کوں سنیہا ݙینداں جو اللہ ایں قوم تے اپݨی رحمت کرے، اے ملک 27 رمضان کوں ٻݨیا ہا، ایندے خلاف کوئی سازش انشاء اللہ کامیاب نہ تھیسی۔ ڈپٹی سپیکر دی رولنگ دے بعد صدر مملکت کوں اسمبلی تروڑݨ دی ایڈوائس بھیجی اے، اساں فیصلہ کیتے جو ہک جمہوری معاشرے اچ اساں عوام کولو ونڄوں جو او فیصلہ کرے تاں جو اڳو تے ٻاھرو ٻیھ تے سازش نال کرپٹ عناصر پیسے دیاں ٻوریاں نال لوک مل ڳھن تے اینڄھی حرکت نہ کرن۔ جیڑھے لوک اچکناں سیوا تے ٻیٹھے ہن انہاں دا پیسہ ضائع ویسی، پیسے ڳھنݨ آلے اے پیسہ کہیں پناہ گاہ تے لا ݙیون۔ انہاں قوم کوں آکھیا جو او نویں انتخاب اچ قوم دے مستقبل دا فیصلہ کرے ڄیڑھا کہیں باہرو دی طاقت یا کہیں کرپٹ عناصر نئیں کرݨا، تیکھے نگران سیٹ اپ آوݨ لڳ ویسی، میں اللہ دا شکر ادا کرینداں جو قوم نال تھیوݨ آلی اتنی وݙی سازش ناکام تھئی اے۔
