دبئي – 18 سيپٽمبر (اي پي پي) گڏيل عرب امارتن 17 جهازن ذريعي 450 ٽن امدادي سامان ليبيا موڪلي ڇڏيو آهي. العربيه نيوز مطابق گڏيل عرب امارتن ليبيا ۾ ٻوڏ متاثر ماڻهن لاءِ امدادي سامان جي فراهمي جاري رکي آهي ۽ هن وقت تائين 17 جهازن ذريعي 450 ٽن غذائي شيون، دوائون ۽ رهائش جي استعمال لاءِ سامان موڪليو ويو آهي. امارتن طرفان امدادي ٽيمون پڻ موڪليون ويون آهن ۽ انهن کي چار هيليڪاپٽر فراهم ڪيا ويا آهن جيڪي ٻوڏ کانپوءِ بچي ويل ماڻهن جي ڳولا ۽ کين متاثر علائقن مان ڪڍڻ جي مهم تي آهن.
