اسلام آباد۔6مارچ (اے پی پی) وزیراعظم محمد شہبازشریف آکھیا جو اساݙی حکومت سارے علاقیاں اتے خطیاں دی مقامی زبان، ادب اتے ثقافت کوں ٻیا فروغ ݙیسی، جنوبی پنجاب اتے اتھ دی ثافت فنون ادب دی ترقی ہمیشہ اساݙٰی ترجیح رہی اے۔ بدھ کوں وزیراعظم آفس دے میڈیاونگ توں جاری بیان موجب وزیراعظم سرائیکی کلچراتے سرائیکی اجرک ڈے دے موقع تے مبارخ ݙیندیں ہوئیں آپݨے سنیھے اچ آکھیا جو جنوبی پنجاب اتے اتھ دی ثافت فنون ادب دی ترقی ہمیشہ اساݙٰی ترجیح رہی اے۔ وزیراعظم آکھیا جو سرائیکی وسیب دے سارے رنگ سوھݨے اتے منفرد تہذیب تمدن دے امین ہن، ”سرائیکی زبان ڈاڈھی مِٹھی زبان اے ،“۔ سرائیکی زبان جنوبی پنجاب ای نئی، بلوچستان اتے بھارت اچ وی الائی ویندی اے۔ انہاں آکھیا جو ادب، شاعری اتے موسیقی اچ سرائیکی اتے ایں نال جڑیے اہل علم تے قلم دا وݙا حصہ اے۔ سرائیکی کلچر، تہذیب وتمدن دریائے سندھ دی ہزاراں سال قدیم تہذیب نال جڑی اے۔ وزیراعظم آکھیا جو حضرت بہائوالدین ذکریا، حضرت شاہ رکن عالم،خواجہ غلام فرید،محمد سلمان تونسوی،سخی سرور،شاہ شمس تبریزجیھے بزرگان دین اتے صوفیا سرائیکی زبان دی شان ودھائی اے۔ پاکستان دے ہر خطے اتے ثقافت دے ودھارے تے یقین رکھیندوںَ
