اسلام آباد۔5اپریل (اے پی پی):چیئرمین سینیٹ محمد صادق سنجرانی نال جاپان دے سفیر کونینوری مٹسوڈا سنوار کوں پارلیمنٹ ہاؤس اچ ملاقات کیتی اے ۔ ایں موقع تے جاپانی سفیر صادق سنجرانی کوں ول چیئرمین سینیٹ منتخب تھیوݨ تے مبارخ ݙتی۔ ملاقات اچ ݙو پاسے تعلقات ،سانجھی دلچسپی دے امور تے خطے دی مجموعی صورت حال تے ڳال مہاڑ کیتی ڳئی ، ایں موقع تے ڳال مہاڑ کریندے ہوئیں چیئرمین سینٹ محمد صادق سنجرانی آکھیے جو پاکستان جاپان دے نال اپݨے تعلقات کوں قدر دی نگاہ نال ݙیکھدے، پاکستان اتے جاپان وچال معاشی تعاون کوں مزید بہتر بݨاوݨ دی لوڑھ اے ۔انہاں آکھیے جو پارلیمانی رابطے دے ودھارے نال بئیں شعبیں اچ تعاون بہتر تھی سڳدے۔
