اسلام آباد۔28جون(اے پی پی)قومی اسمبلی وزارت ریلویز دے منصوبیاں کیتے 72 ارب 32 کروڑ 55 لکھ 90 ہزار روپے دے فو مطالبات زر منظور کرڳھدن۔ قومی اسمبلی اچ پارلیمانی سیکرٹری زین قریشی ریلویز دے منصوبیاں کیتے 72 ارب، 32 کروڑ 55 لکھ 90 ہزار روپے دے ݙو مطالبات زر پیش کیتن جیندی ایوان منظوری ݙتی ڄݙاں جو شازیہ مری، سردار ایاز صادق اتے ٻئے ارکان ولوں کٹوتی دی 111 تحاریک کثرت رائے نال مسترد کرݙتن۔ پارلیمانی امور دے وزیر مملکت علی محمد خان کٹوتی دی تحاریک تے بحث سمیٹیندے آکھیے جو تحاریک اچ اپوزیشن دیاں تجاویز نوٹ کر ڳھدن، جیکر ریلوے اچ ماضی اچ سرمایہ کاری کیتی ویندی تاں اڄ ریلوے دی اے حالت نہ ہوندی، موٹرویز دی بجائے ریلوے اچ سرمایہ کاری کرݨ نال فی کلو میٹر خرچہ صرف 60 ملین روپے ہوندا بھل پچھلیاں حکومتاں صرف کک بیکس کیتے مہانڳے منصوبے لائن۔
