اسلام آباد۔13جنوری (اے پی پی):وفاقی وزیر سائنس و ٹیکنالوجی سینیٹر شبلی فراز پاکستان سائنس ایکسپو کوں ھک وݙا ایونٹ قرار ݙیندے ہوئیں آکھیے جو ایکسپو دے انعقاد توں بین الاقوامی سطح تے پاکستان دا مثبت پیغام ویسی ۔اتھاں ذرائع ابلاغ دے نمائندیں نال ڳال مہاڑ کریندے ہوئیں انہاں آکھیے جو سائنس دا انقلاب ساݙا مستقبل اے اتے پاکستان دے عوام دی خوشحالی اساݙی اولین ترجیح اے۔ وزارت سائنس و ٹیکنالوجی دے ذیلی ادارے پاکستان سائنس فائونڈیشن دے زیر اہتمام پاکستان سائنس ایکسپو 28 اتے 29 جنوری کوں وفاقی دارالحکومت اسلام آباد اچ تھیسی ۔ وفاقی وزیر آکھیے جو پاکستان سائنس ایکسپو دے 80 فیصد توں ودھ سٹالز پہلے ہی بک تھی چکئن ۔ پاک چائنا فرینڈشپ سینٹراچ تھیوݨ آلی ایکسپو اچ قومی اتے غیر ملکی شخصیات، ارکان پارلیمنٹ، سرکاری افسران، نجی کمپنیاں دے ایگزیکٹوز اتے سی ای اوز، مختلف شعبیں توں تعلق رکھݨ آلی اہم شخصیات، صنعتی رہنما، سکولاں، کالجاں اتے یونیورسٹیاں دے طلبہ، سکالرز، محققین اتے سائنسدان شریک تھیسن پاکستان سائنس فائونڈیشن دے چیئرمین پروفیسر ڈاکٹر شاہد محمود بیگ ایکسپو کوں کامیاب بݨاوݨ کیتے انتظامات کوں حتمی شکل ݙیندے پئن ۔ پاکستان سائنس ایکسپو ملک دی تاریخ اچ آپݨی نوعیت دی پہلی ایکسپو اے جیں دا مقصد پاکستانی سائنسداناں، انجینئرز، سائنس سوسائٹیاں، طلبہ، یونیورسٹیاں اتے محققین دیاں کامیابیاں کوں ظاہر کرݨا اے ۔
