واشنگٽن- 30 جولاءِ (اي پي پي) آمريڪا چيو آهي ته هن يوڪرين کي نئون هٿيارن جو پيڪج فراهم ڪيو آهي جنهن ۾ انٽرا سپيٽر ميزائل ۽ توپ خانو شامل آهي. 200 ملين ڊالر ماليت جي امدادي پيڪج ۾ مارٽر گولا، جيولين ۽ ٻي اينٽي ٽينڪ سسٽم لاءِ بارود پڻ شامل آهن. تاس مطابق اها ڳالهه وائيٽ هائوس جي قومي سلامتي جي ڪميونيڪشن ايڊوائزر جان ڪربي صحافين سان ڳالهائڻ دوران چئي. هن چيو ته آمريڪا يوڪرين کي هڪ نئون هٿيارن جو پيڪج فراهم ڪيو آهي جنهن ۾ انٽرا سپيٽر ميزائل ۽ توپ خانو شامل آهي. هن جو چوڻ هو ته پينٽاگون هڪ اضافي سيڪيورٽي امدادي پيڪج فراهم ڪندو جنهن جو مقصد يوڪرين جي ڊگهي عرصي واري دفاعي صلاحيتن کي هٿي ڏيڻ آهي، ان پيڪج ۾ يوڪرين جي فضائي دفاعي سهڪار لاءِ سامان، ڊگهي فاصلي تائين مار ڪندڙ ۽ ٽينڪ تباهه ڪندڙ هٿيارن سان گڏوگڏ ان سامان جي سار سنڀال به شامل هوندي جيڪا پهريان ئي آمريڪا ذريعي موڪلي وئي آهي.
