اسلام آباد۔13نومبر(اے پی پی)وفاقی وزیر خزانہ اسحاق ڈار آکھیے جو پچھلی حکومت ڈالر کوں کھلا چھوڑ تے ملکی معیشت دا ٻیڑا ٻوڑیے، پاکستان کوں سنگا پور دی بجائے سری لنکا ٻݨاوݨ دی کوئی کسر نئیں چھوڑی ڳئی۔ اے ڳالھ انہاں مسلم لیگ ن دی تقریب نال خطاب کریندے آکھی۔ انہاں آکھیا جو حکومت دی تبدیلی دا فیصلہ ریاست بچاوݨ کیتے کیتا ڳیا ہا، ڈالر دا ملھ ودھݨ نال ملکی قرضے چار ہزار ارب روپے ودھین، ڈالر اتے روپے دی قدر اچ توازن ڳھن آسوں اتے ڈالرز ݙو سو روپے تے ڳھن آیا ویسی، اے ساݙی حکومت دا عزم اے جو روپے کوں تکڑا کیتا ونڄے۔ انہاں آکھیا جو شہباز شریف معیشت کوں ولا اپݨے پیریں تے کھڑا کرݨ کیتے معاشی اصلاحات تے کم کریندے پن، آئی آیم ایف پروگرام پورا کریسوں، اوکھے معاشی حالات اچ ایں مالی سال 32 توں 34 ارب ڈالرز دی لوڑھ اے۔
