ریاض۔11نومبر (اے پی پی) وزیراعظم محمد شہباز شریف غزہ اچ غیر مشروط جنگ بندی، عالمی عدالت انصاف دے فیصلے تے عملدرآمد اتے اسرائیل کو ہتھیاراں دی فراہمی ت?? فوری پابندی دا مطالبہ کریندیں ہوئیں آکھیا جو جنگی جرائم تے اسرائیل دا محاسبہ اتے اقوام متحدہ دی رکنیت تے نظر ثانی کیتی ونڄے۔ پاکستان فسلطینی عوام دے حقوق کیتے آواز چیندا رہسی۔ اے ڳالھیں انہاں سنوار کوں عرب۔اسلامک غیر معمولی سربراہ اجلاس توں خطاب کریندیں ہوئیں آکھی جئیں اچ غزہ اتے فلسطین سودھے مشرق وسطیٰ دی صورتحال تے غور کیتا ڳئیا۔ وزیراعظم آپݨا خطاب قرآن پاک دی آیت مبارکہ نال کیتا۔ انہاں خادم حرمین الشریفین شاہ سلمان بن عبدالعزیز السعود اتے سعودی ولی عہد و وزیراعظم محمد بن سلمان کوں عرب۔اسلامک غیر معمولی سربراہ اجلاس کراوݨ تے خراج تحسین پیش کریندیں ہوئیں آکھیا جو گزریل ہک سال توں غزہ اتے فلسطین اچ بکھ، افلاس اتے قحط ڈیرے پاتے ہوئن۔ غزہ تے اسرائیل جارحیت دی ساری حداں پار کر ڳئے۔ ہزاراں لوک شہید جڈانجو لکھاں بے گھر تھی ڳئن۔ ہسپتالاں کوں زخمیاں سودھے اݙیا ویندا پئ??۔ فلسطینیاں دے خلاف اڄوکی بربریت کوں میڈیا اتے عالمی عدالت انصاف نشل کشی آکھیے۔ ایں صورتحال تے عالمی برادری کݙا?? تئیں اکھیں بند رکھیسی۔ ایں صورتحال دے باوجود اسرائیل کوں جدید ترین ہتھیاراں دی فراہمی جاری اے جئیں توں ثابت تھیندے جو ایندی غیر مشروط حمایت اتے تحفظ جاری اے۔ وزیراعظم آکھیا جو غزہ خون نال رنگین اے اتے عالمی برادری چپ اے۔ وزیراعظم فلسطین دے حق خودارادیت دے پاکستان دے عزم دا اعادہ کیتا اتے آکھیا جو پاکستان ہک آزاد اتے خودمختار فلسطینی ریاست دی حمایت کریندا رہسی جئیں دا دارالحکومت القدس الشریف ہووے اتے جئیں دی سرحداں 1967ء توں پہلی آلی ہوون۔ وزیراعظم آکھیا جو پاکستان ایران تے اڄوکے اسرائیلی حملیاں دی مذمت کریندے جو اوندی سالمیت اتے علاقائی خودمختاری دی خلاف ورزی اے۔ پاکستان لبنان اچ اسرائیلی فوجی جارحیت دی وی مذمت اتے اتھاں دے معصوم لوکاں نال یکجہتی کریندے۔ وزیراعظم آکھیا جو غزہ اچ فوری جنگ بندی ویلھے دی لوڑھ اے۔ ن??تے فلسطینیاں کوں بلاتعطل خوراک، دوائیں ونڄن۔ وزیراعظم آکھیا جو پاکستان فلسطینی عوام دے حقوق کیتے آواز چیندا رہسی۔ آزاد اتے خودمختار فلسطینی ریاست ٻݨݨ ضروری اے۔ اسرائیل دے توسیع پسندانہ عزائم نال امن کوں خطرہ اے۔ اسرائیل کوں ہتھیاراں ت?? فوری پابندی لاتی ونڄے۔ جنگی جرائم تے اسرائیل کوں کٹہرے اچ آندا ونڄے۔ غزہ بارے عالمی عدالت انصاف وی فیصلہ ݙے چکی اے۔ اسرائیل دی اقوام متحدہ دی رکنیت تے جامع نظرثانی کیتی ونڄے۔ دعا کریندوں جو فلسطینیاں دی آزادی دا سجھ جلدی ابھرسی۔
