اسلام آباد۔8مارچ (اے پی پی):وفاقی وزیر داخلہ شیخ رشید احمد آکھیے جو اپوزیشن کجھ نی کرسڳدی ، وزیر اعظم عمران خان چوراں ،اچکے تے لٹیریں کوں ہرا ݙیسی۔ منگل کوں فاطمہ جناح یونیورسٹی اچ عالمی یوم نسواں دی مناسبت توں منعقدہ تقریب توں خطاب کریندے ہوئیں انہاں آکھیے جو فاطمہ جناح وومن یونیورسٹی داقیام 90 دے ݙھاکے اچ میڈیا کوششاں توں عمل اچ آیا ،میں راولپنڈی دے ایں حلقے اچ ݙو مزید یونیورسٹیاں بݨائن ۔اڄ راولپنڈی تعلیم دے لحاظ توں ٻہوں اڳوں اے ، میں پنڈی اچ 60 دے نیڑے تعلیمی ادارے بݨائے، ساریاں تریمتاں دی تعلیم کیتے بݨائے ۔ انہاں وزیراعظم توں درخواست کیتی جو چیف منسٹر ہائوس، کمشنر ہائوس سودھے اہم سرکاری عمارات تعلیمی مقاصد کیتے ݙتی ونڄے ۔ وزیرداخلہ لال حویلی کوں وی تعلیمی مقاصد کیتے ݙیوݨ دا اعلان کیتا ، انہاں وزیر اعظم کوں مخاطب تھیندےہوئیں آکھیے جو عزتاں دے فیصلے خداکنے ہن ۔ اپوزیشن کجھ نی کرسڳدی ۔
