اسلام آباد۔23مئی (اے پی پی):وزیر خزانہ مفتاح اسماعیل آکھیے جو پٹرولیم مصنوعات تے سبسݙی نال نقصان تھیندا پئے، پچھلی حکومت 21 ارب ڈالر قرض ڳھدن جیڑھا ولا وی ݙیوݨے، پی ٹی آئی حکومت ساݙے کیتے معاشی بارودی سرنڳاں وچھا ڳئی اے، پٹرول مہانگا نسے کرسڳدے، آئی ایم ایف کولو وتھی منڳسوں۔ میڈیا نال الیندے انہاں آکھیے جو قوم ایں ویلھے پٹرول دا ملھ ودھݨ دا ٻھار نئیں چا سڳدی، ایم ایم ایف نال پٹرول مہانگا کرݨ دا معاہدہ عمران خان کیتا ہا اتے اے ساݙے کیتے ہر ڄاہ تے بارودی سرنگاں وچھا ڳین، شوکت ترین دے دعویاں تے کھل آندی اے جو اے پیسے کتھائیں چھوڑ وی ڳین۔ انہاں آکھیا جو اڄ ملک اچ ایندھن دی تھوڑ وی عمران خان پاروں اے، انہاں سی پیک کوں وی نقصان پچائے، اے دھرنا دھرنا کھیݙ تے اپݨی سیاست چمکیندے پن۔ مفتاح اسماعیل آکھیا جو اسٹیٹ بینک دی شرح سود وی ودھاوݨی پوسی، آڄ ملک اچ وݙے اوکھے معاشی حالات اے جیندے نال نبرݨ کیتے اوکھ تھیندا پئے۔
