اسلام آباد۔16مارچ (اے پی پی) وزیر خزانہ سینیٹر اسحاق ڈار آکھیا جو جوہری اتے میزائل پروگرام تے کوئی سمجھوتہ نی تھی سڳدا، آئی ایم ایف نال معاہدہ تھیوݨ دے نال ساری تفصیلات ویب سائیٹ تے سٹ ݙتی ویسن۔کہیں کوں اے اختیار نی جو او پاکستان دے میزائل پروگرام تے ڈیکٹیشن ݙیوے ۔ خمیس کوں سینیٹ دی پنڄاہ سالہ تقریبات دے ݙوجھے ݙینھ اپݨے خطاب اچ وزیر خزانہ اسحاق ڈار غیر ملکی سفارتکاراں دا خیر مقدم کریندیں ہوئیں آکھیا جو سینیٹ آف پاکستان دی مساوات ، اجتماعیت ، صوبائی خودمختاری اتے جامع پارلیمانی جمہوریت کیتے ہک شاندار تاریخ اے۔ سینیٹ اچ کمیٹیاں دا ہک نظام اے، اساں جمہوری اصولاں کوں مضبوط ٻݨاوݨ کیتے اجتماعی کردار نبھیندے پیوں۔ کوئی وی قانون اتھاں ݙوہیں ایواناں توں منظور تھیندے جئیں اچ سینیٹ دا اہم کردار اے۔ سینیٹ اچ مالیاتی بل تے تجویزاں ݙتی ویندن۔
