اسلام آباد۔17ستمبر(اے پی پی)سپریم کورٹ چ نویں لڳݨ آلی رجسٹرار جزیلہ اسلم سنوار کوں سپریم کورٹ اچ پریکٹس اینڈ پروسیجر ایکٹ کیس دی سماعت کیتے فل کورٹ سماعت دا روسٹر جاری کر ݙتے۔ نویں رجسٹرار دے دستخط نال جاری تھیوݨ آلے روسٹر موجب 15 ججز دا فل کورٹ سنوار 18 ستمبر کوں سپریم کورٹ پریکٹس اینڈ پروسیجر ایکٹ دے خلاف درخواستاں تے سماعت کریسی۔ فل کورٹ دی سربراہی چیف جسٹس جسٹس قاضی فائز عیسیٰ کریسن۔ سپریم کورٹ دے سینئر ترین جج جسٹس سردار طارق مسعود، جسٹس اعجاز الاحسن، جسٹس سید منصور علی شاہ، جسٹس منیب اختر، جسٹس یحییٰ آفریدی، جسٹس امین الدین خان، جسٹس مظاہر علی اکبر نقوی، جسٹس جمال خان مندوخیل، جسٹس محمد علی مظہر، جسٹس عائشہ اے، جسٹس اطہر من اللہ، جسٹس حسن اظہر رضوی، جسٹس مسرت ہلالی اتے جسٹس شاہد وحید فل کورٹ دا حصہ ہوسن۔
